Archive for category: Uncategorized

በአሜሪካ የኢትዮጵያ ልዩ መልዕክተኛ እና ባለሙሉ ስልጣን አምባሳደር ክቡር ዶ/ር ስለሺ በቀለ ከተከበሩ ኮንግረስማን Jerry L. Carl እና ኮንግረስማን Ronny Jackson ጋር ተገናኝተው በኢትዮጵያ እና አሜሪካ ግንኙነት ዙሪያ ተወያዩ። በውይይታቸው ሁለቱ ሀገሮች ከ120 አመታት በላይ የቆየ ዲፕሎማሲያዊ ግንኙነት ያላቸው መሆኑን እንዲሁም በአፍሪካ በህዝብ ብዛት ሁለተኛ የሆነችው ሀገራችን በፈጣን የኤኮኖሚ ዕድገት ላይ እንደምትገኝ እና የሁለቱ ሀገራት ግንኙነት ወደ ስትራቴጂካዊ አጋርነት ደረጃ ማሳደግ አስፈላጊ ስለመሆኑ ተወያይተዋል።

በተጨማሪም በአፍሪካ ቀንድ ስላለው የሰላም እና መረጋጋት ሁኔታ፣ የሽግግር ፍትህ ፖሊሲ መፅደቅ፣ ስለሀገራዊ ምክክር ኮሚሽን፣ የህዝብን ተጠቃሚነት ባረጋገጠ መልኩ በመንግስት እየተተገበረ ያለው መጠነ ሰፊ የሪፎርም ስራ፣ ስለ ባህር በር ጉዳይ፣ አጎዋ ለኢትዮ-አሜሪካ ንግድ ግንኙነት ያለውን ፋይዳና ኢትዮጵያን ከአጎዋ ዕድል ተጠቃሚነት ማግለል በድሃ ዜጎች ላይ እያደረሰ ያለው ጉዳት ከፍተኛ ከመሆኑ ባሻገር ኢትዮጵያ ኢንቨስት ባደረጉ የአሜሪካ ባለሀብቶች ላይ ተጽዕኖ እያሳደረ ስለመሆኑ ክቡር አምባሳደሩ ማብራሪያ እና ገለጻ ሰጥተዋል።

እ.ኤ.አ. ሜይ 16 ቀን 2024 ዓ.ም. በአሜሪካ የኢ.ፌ.ዲ.ሪ. ልዩ መልዕክተኛ እና ባለሙሉ ሥልጣን አምባሳደር ክቡር ዶ/ር ስለሺ በቀለ ዘዋሽንግተን ዲፕሎማት ከተባለ መጽሔት ጋር ቃለ ምልልስ አደረጉ። በቃለ ምልልሱ ወቅት የማህበራዊ፣ ኤኮኖሚያዊ እና ፖለቲካዊ ይዘቶች ያሏቸው፤ አገራችንን ብሎም ቀጠናችንን እና አህጉራችንን የተመለከቱ በርካታ ጥያቄዎች የቀረቡላቸው ሲሆን ክቡር አምባሳደሩ በቂ ማብራሪያ እና ምላሽ ሰጥተዋል።

የኢትዮጵያ እና አሜሪካ የዲፕሎማቲክ ግንኙነት ከጀመሩ 120 አመታት የሆናቸው ሲሆን፣ በአጠቃላይ መልኩ ሲታይ በእነዚህ ዘመናት ታሪካዊ ሂደት ውስጥ ሁለቱም ሀገሮች ከግንኙነቱ በእጅጉ ተጠቃሚ ነበሩ ብለዋል። የሁለቱ ሀገሮች ትብብር በሰላም ማስከበር አንዲሁም ሽብርተኝነትን በመዋጋትና በመሳሰሉት የሚገለጽ ሲሆን አሁንም በግንኙነቶች መካከል ሊከሰቱ የሚችሉ ችግሮችን በንግግር እና በውይይት እየፈቱ ይህንን ዘመናትን የዘለቀ ግንኙነት በሚመጥን መልኩ ወዳጅነታቸውን አጠናክረው እንደሚቀጥሉ ያላቸውን ተስፋ ገልጸዋል።

በኤኮኖሚው ረገድ ባለፉት ጥቂት አመታት የተለያዩ የውጭ እና የውስጥ ሰው ሰራሽ እና የተፈጥሮ ፈተናዎች ቢያጋጥሙም የኢትዮጵያ ኤኮኖሚ እነዚህን ተግዳሮቶች ተቋቁሞ አሁንም ዕድገት እያስመዘገበ መሆኑን ገልጸው ኢኮኖሚያችን እነዚህን ችግሮች ተቋቁሞ የማለፍ አቅም የፈጠረበት ዋነኛ ምክንያት ደግሞ የህዝብን ተጠቃሚነት ባረጋገጠ መልኩ በመንግስት እየተተገበረ ያለው መጠነ ሰፊ የሪፎርም ስራ እና በመሰረተ ልማቶች ላይ በተከናወኑ ትልልቅ የኢንቨስትመንት ስራዎች መሆናቸውን ጠቁመዋል።

በአፍሪካ ቀንድ እየተስፋፋ የመጣውን ድርቅ አሳሳቢነት በመረዳት አገራችን እየወሰደችው ያለውን መጠነ ሰፊ እርምጃ የጠቀሱ ሲሆን የአረንጓዴ አሻራ ንቅናቄን አስመልክቶ በየዓመቱ በቢሊዮኖች የሚቆጠሩ ችግኞችን በመትከል የፍራፍሬ ልማትን ለማሳደግ፣ የአፈር መከላትን ለከመከላከል እንዲሁም የአየር ንብረት መዛባትን ለመቀነስ የራሷን ድርሻ ለመወጣት ጥረት እያደረገች ትገኛለችም ብለዋል። አክለውም የሚተከሉት ዛፎች ማህበረሰቡ ለምግብነት የሚጠቀምባቸውንም እንዲያካትት መደረጉም በምግብ ራስን ለመቻል በሚደረገው ጥረት ውስጥ የራሱ አስተዋጽኦ እንደሚኖረው ገልጸዋል።

በቃለ ምልልሱ ወቅት በታላቁ የኢትዮጵያ ህዳሴ ግድብ ግንባታ ፍትሃዊነት ዙሪያ ጥያቄ የቀረበ ሲሆን፤ በአገራችን 65 ሚሊዮን የሚሆነው ህዝብ ኤሌክትሪክ የማያገኝ መሆኑን እና ይህ ብቻ ጥያቄአችንን ፍትሃዊ ሊያደርግ እንደሚችል ገልጸዋል። በተጨማሪም ምንም እንኳን ግድቡ የታችኛው ተፋሰስ ሀገራት ላይ ጉዳት እንደማያስከትል ቢታወቅም የሚነሱትን ጥያቄዎች በማዳመጥ እና የግድቡ ግንባታ የእነርሱን ስጋት በሚቀንስ መልኩ ለማድረግ አገራችን ረጅም ርቀት የሄደች መሆኑን አብራርተዋል። የኢትዮጵያ ጽኑ አቋምም ውሃውን በፍትሃዊነት እና በጋራ የመጠቀም መብት በሚያከብር መልኩ አገራችን በትብብር እየሰራች መሆኑን ገልጸዋል።

ከአጎዋ ጋር ተያይዞ ለተነሳው ጥያቄ፤ በሰሜኑ የሀገራችን ክፍል ተከስቶ በነበረው ጦርነት ወቅት የተሳሳቱ እና የተዛቡ መረጃዎች ይሰራጩ የነበረ ሲሆን ይህንኑ ተከትሎም ኢትዮጵያን ከአጎዋ ዕድል ተጠቃሚነት የማግለል እርምጃ ተወስዷል። ተደጋግሞ እንደተነገረው ይህ እርምጃ በድሃ ዜጎች በተለይም በተለያዩ ፋብሪካዎች ተቀጥረው ይሰሩ በነበሩ ሴቶች ላይ እያደረሰ ያለው ጉዳት ከፍተኛ መሆኑን ገልፀው፤ የአሜሪካ መንግስት ውሳኔውን እንደገና ያጤነዋል የሚል ተስፋ እንዳላቸው ገልጸዋል።

ዘዋሽንግተን ዲፕሎማት ከ200 ሺህ በላይ አንባቢያን ያሉት ሲሆን በፖለቲካ፣ አለምአቀፍ ግንኙነት፣ ንግድና ኢንቨስትመንት፣ ባለብዙ ወገን ተቋማት እና ዲፕሎማሲያዊ ጉዳዮች ላይ ትኩረት የሚያደርግ እና በእነዚህ ላይ ዜናዎችን እና ትንተናዎችን የሚያስነብብ መጽሔት ነው።

የክቡር አምባሳደር ዶ/ር ስለሺ በቀለ ቃለ ምልልስ ዋሽንግተን ዲሲ በሚገኘው የኢትዮጵያ ኤምባሲ የተካሄደ ሲሆን አምባሳደሮች፣ የአሜሪካ ኮንግረስ ሰታፈሮች፣ ቲንክ ታንክ ተቋማት፣ የተለያዩ የሚዲያ ተወካዮች እና ጥሪ የተደረገላቸው እንግዶችን ጨምሮ ከ100 በላይ ተሳታፊዎች በአካል በመገኘት ተከታትለውታል።

A high level Ethiopian delegation led by the Finance Minister, H.E. Ahmed Shide and comprised of the Governor of the National Bank of Ethiopia Mamo Mihretu, Senior Advisor to the Prime Minister Teklewold Atnafu, Ambassador to the US Dr. Seleshi Bekeke. Finance State Minister Dr. Eyob Tekalign and other delegates, had fruitful discussions with the World Bank Group (WBG) and the International Monetary Fund (IMF) officials during the 2024 Spring Meetings.

The delegation met with IMF Managing Director Kristalina Georgieva, the World Bank’s VP for Eastern and Southern Africa, Victoria Kwakwa, the World Bank’s VP for IDA Akihiko Nishio, as well as Executive Directors at the IMF and WB.

The two sides exchanged on Ethiopia’s economic situation, prospects, and ongoing macroeconomic reforms critical for restoring macro-fiscal stability, growth and jobs, including addressing distortions, boosting productivity, and enhancing ease of doing business for private investment, among others.

Both institutions commended Ethiopia for the critical steps taken to stabilize the economy and tame inflation as well as the broad-based reform program planned under Ethiopia’s second phase Home-Grown Economic Reform agenda.

The meetings discussed the way forward on how the IMF and the WBG can jointly support the country’s ambitious economic program that is designed to unlock Ethiopia’s full economic potential.

የታላቁ የኢትዮጵያ የህዳሴ ግድብ የመሰረት ድንጋይ የተጣለበት 13ኛ ዓመት በዓል ‘በህብረት ችለናል’ በሚል መሪ ቃል ዋሽንግተን ዲሲ በሚገኘው የኢ.ፌ.ዲ.ሪ. ኤምባሲ ተከበረ። በበዓሉ ላይ የሀይማኖት አባቶች፣ ምሁራን፣ የተለያዩ አደረጃጀት አመራሮች እንዲሁም ከዚህ ቀደም በተለያዩ ጊዜያት ለህዳሴ ግድቡ አስተዋጽኦ ያደረጉ እና አዳዲስ የዳያስፖራ አባላት የተሳተፉ ሲሆን በኤምባሲው በአካል ከተገኙት በተጨማሪ በርካታ ተሳታፊዎች በበይነ መረብ ተገኝተው ዝግጅቱን ተከታትለዋል።

በበዓሉ ላይ በአሜሪካ የኢ.ፌ.ዲ.ሪ. ልዩ መልዕክተኛ እና ባለሙሉ ስልጣን አምባሳደር ክቡር ዶ/ር ስለሺ በቀለ ባስተላለፉት መልዕክት የህዳሴ ግድባችን ሁሉም ዜጋ ሀብቱን፣ ዕወቀቱን፣ ጊዜውን በማስተባበር የሚገነባ ልዩ ፕሮጀክት መሆኑን እና ግንባታው አገራችን በልማት እጦት ካለችበት የኋላ ቀር ኢኮኖሚ ለመውጣት፣ ለህዝቦቿ የሚያስፈልገውን የኢነርጂ መሰረት በመገንባት ዕድገት፣ ብልጽግና እንዲሁም አገራዊ ሀብት መፍጠር የሚያስችለን ወሳኝ ተግባር ነው ብለዋል። በተጨማሪም ይህንን ፕሮጀክት ከጅምሩ አንስቶ እስካሁን ድረስ ይመለከተናል በማለት ገንዘባቸውን፣ እውቀታቸውን እና ጊዜያቸውን ሳይሰስቱ የበኩላቸውን ድርሻ ለተወጡ የዳያስፖራ አባላት ያላቸውን ከፍተኛ አክብሮት እና ምስጋና የገለጹ ሲሆን፣ ግድቡ እስኪጠናቀቅም ይኸው ተሳትፎ ተጠናክሮ እንደሚቀጥል ያላቸውን ተስፋ ገልጸዋል።

ከተሳታፊዎች በቀረቡ አስተያየቶችም ለህዳሴ ግድቡ የሚደረጉ ድጋፎች ከየትኛውም የፖለቲካ አመለካከትና ውግንና ነጻ የሆነ እና ሁሉም ኢትዮጵያዊ በጋራ የሚረባረብበት መሆኑ እና ከዚህ ቀደም እንደሚያደርጉት ሁሉ ግድባችን እስኪጠናቀቅ ድጋፋቸውን አጠናክረው እንደሚቀጥሉ ቃል ገብተዋል። በዕለቱም ለታላቁ የኢትዮጵያ የህዳሴ ግድብ ግንባታ የገቢ ማሰባሰቢያ ፕሮግራም ተካሂዷል።

Today, H.E. Alfredo Nuvunga, the Ambassador of Mozambique to the United States, paid a courtesy visit to H.E. Dr. Seleshi Bekele, the Ambassador of Ethiopia to the United States. During their meeting, the Ambassadors discussed the current state of the bilateral relationship between their two countries and shared ideas on how they could work together to achieve their mandates.