Archive for category: Uncategorized

ኢትዮጵያ የባህር በር ለማግኘት የምታደርገውን ሰላማዊ እና ዲፕሎማሲያዊ ጥረት የአሜሪካ መንግስት እንደሚደግፍ አምባሳደር ኤርቪን ማሲንጋ አስታወቁ፡፡

ኢትዮጵያ ፈጣን ኢኮኖሚያዊ እድገት እያስመዘገበች መሆኗንም አምባሳደሩ አረጋግጠዋል።

በአፍሪካ ቀንድ አካባቢ ሰላም እና ፀጥታ ለማረጋገጥ አሜሪካ ከወሳኝ አጋሯ ከኢትዮጵያ ጋር በጋራ እንደምትሰራም ገልጸዋል።

ጠቅላይ ሚኒስትር ዐቢይ አሕመድ(ዶ/ር) ኢትዮጵያ በሰላማዊና ዲፕሎማሲያዊ መንገድ የባህር በር ለማግኘት እንደምትሰራ በአጽንኦት መግለጻቸው ይታወሳል።

ኢትዮጵያ የባህር በር ጥያቄዋ እንዲመለስ በሰላማዊ፣ በጋራ ተጠቃሚነትና ሰጥቶ በመቀበል መርህ እንደምትሰራ በተደጋጋሚ ጠቅላይ ሚኒስትር ዐቢይ አሕመድ(ዶ/ር) ያስታወቁት ጉዳይ ነው።

በኢትዮጵያ የአሜሪካ አምባሳደር ኤርቪን ማሲንጋ ከኢዜአ ጋር ባደረጉት ቆይታ እንደገለጹት፤ ኢትዮጵያ በፈጣን ኢኮኖሚ እድገት ውስጥ ትገኛለች።

ሀገሪቱ ሰፊ የህዝብ ቁጥር ያላት እና ፈጣን ኢኮኖሚ እያስመዘገበች እንደምትገኝ ያወሱት አምባሳደር ማሲንጋ፤ ይህ ፈጣን ኢኮኖሚያዊ እድገት እንደሚቀጥልም ትንበያ መኖሩን አመልክተዋል።

በአሁኑ ወቅት ኢትዮጵያ በዓለም ተወዳዳሪ ኢኮኖሚ ለመገንባት ያላትን ህልም ለማሳካት የባህር በር አማራጯን ማስፋት ወሳኝ መሆኑን ጠቁመው፤ በሰላማዊ እና ዲፕሎማሲያዊ መንገድ የባህር በር ለማግኘት የምታደርገውን ጥረት የአሜሪካ መንግስት የሚደግፈው መሆኑንም አረጋግጠዋል።

አምባሳደር ማሲንጋ እንዳብራሩት፤ በአፍሪካ ቀንድ አካባቢ ሰላም እና ፀጥታ ለማረጋገጥ አሜሪካ ከወሳኝ አጋሯ ከኢትዮጵያ ጋር በጋራ ትሰራለች።

ኢትዮጵያ ቀጣናው ወደ መረጋጋትና ሰላም እንዲመለስ አስተዋጽኦ እያደረገች መሆኑን አመልክተው፤ ከኢትዮጵያ ጋር በጋራ መስራት አሜሪካ በአፍሪካ ቀንድ ያላት ጠንካራ አቋም መሆኑን አብራርተዋል።

ኢትዮጵያ በቀጣናው ግዙፍ ብቻ ሳትሆን አቅም እና ተጽዕኖ ያላት ሀገር ነች ያሉት አምባሳደር ማሲንጋ፤ በቀጣናው መረጋጋትና ሰላም ለማስፈን ሀገራቱ በጋራ እንደሚሰሩ ገልጸዋል።

Ambassador Ervin Massinga: The U.S. Supports Ethiopia’s Peaceful and Diplomatic Efforts to Secure Sea Access

U.S. Ambassador to Ethiopia, Ervin Massinga, stated that the U.S. government supports Ethiopia’s peaceful and diplomatic efforts to gain access to the sea.

Ambassador Massinga also noted Prime Minister Dr. Abiy Ahmed’s strong commitment to pursuing sea access through peaceful and diplomatic means.

Highlighting Ethiopia’s large population and fast-growing economy, the ambassador expressed optimism that this growth will continue. He underlined the importance of broadening Ethiopia’s options for sea access to help realize the country’s vision of becoming a globally competitive economy.

He reaffirmed that the U.S. government supports Ethiopia’s peaceful diplomatic push for maritime access, recognizing its critical role in achieving sustainable development.

Ambassador Massinga also stated that Ethiopia is steadily returning to peace and stability, and emphasized America’s strong strategic interest in working with Ethiopia as a key player in the Horn of Africa.

He described Ethiopia not only as a large country but also as one with significant capacity and influence. He reiterated that countries in the region must work together to foster lasting peace and stability

Highlighting Ethiopia’s large population and fast-growing economy, the ambassador expressed optimism that this growth will continue. He underlined the importance of broadening Ethiopia’s options for sea access to help realize the country’s vision of becoming a globally competitive economy.

He reaffirmed that the U.S. government supports Ethiopia’s peaceful diplomatic push for maritime access, recognizing its critical role in achieving sustainable development.

Ambassador Massinga also stated that Ethiopia is steadily returning to peace and stability, and emphasized America’s strong strategic interest in working with Ethiopia as a key player in the Horn of Africa.

He described Ethiopia not only as a large country but also as one with significant capacity and influence. He reiterated that countries in the region must work together to foster lasting peace and stability.

#Ethiopia

#Ethiopian_News_Agency

#ኢዜአ

ክቡር አምባሳደር ብናልፍ አንዱዓለም በስቴት ዲፓርትመንት የአፍሪካ ጉዳዮች ቢሮ ምክትል ረዳት ፀሃፊ ቪንሴንት ዲ. ስፔራ ጋር በኢትዮጵያ ኤምባሲ ተገናኝተው በኢትዮጵያ ዘላቂ ሰላም ለማስፈን እየተደረገ ያለውን ጥረት ጨምሮ በአህጉራዊ እና ዓለም አቀፋዊ ጉዳዮች ላይ ሀሳብ የተለዋወጡ ሲሆን፣ ሁለቱ ሀገራት በትብብር ለመስራት ቁርጠኛ መሆናቸውንም ገልጸዋል። ምክትል ረዳት ፀሃፊው የፕሬዝዳንት ዶናልድ ትራምፕ አስተዳደር ለኢኮኖሚያዊ ትብብር የሚሰጠውን ትኩረት አፅንዖት ሰጥተው የገለጹ ሲሆን፣ ክቡር አምባሳደሩ በበኩላቸው በኢትዮጵያ እየተካሄደ ስላለው ሪፎርምና በሁለቱ ሀገራት መካከል ያለውን የኢኮኖሚ አጋርነት ለማጠናከር ያላቸውን ጠቀሜታ አስረድተዋል።

H.E. Ambassador Binalf Andualem met with Vinny D. Spera, the Deputy Assistant Secretary of the Bureau of African Affairs of the State Department at the Ethiopian Embassy and discussed the ongoing efforts to achieve lasting peace in Ethiopia. They also exchanged opinions on regional and global issues and committed to coordinating their actions. The Deputy Assistant Secretary emphasized the current administration’s focus on economic cooperation, while the Ambassador provided an overview of the reforms taking place in Ethiopia and their importance for strengthening the economic partnership between the two countries.

The Ministry of Foreign Affairs of Ethiopia

MFAEthiopia Amharic የውጭ ጉዳይ ሚኒስቴር

ክቡር የኢ.ፌ.ዲ.ሪ ውጭ ጉዳይ ሚኒስትር ዴኤታ አምባሳደር ብርሃኑ ፀጋዬ ዋሽንግተን ከሚገኘው የኢትዮጵያ ኤምባሲ ሰራተኞች ጋር በሚሲዮኑ በመገኘት ውይይት ያካሄዱ ሲሆን በሚሲዮኑ ትኩረት ተሰጥቶ ሊተገበሩ በሚገባቸው እንቅስቃሴዎች ዙሪያ ማብራሪያ ሰጥተዋል።

ክቡር ሚኒስትር ዴኤታው ካነሷቸው ነጥቦች መሃከል ዲፕሎማቱና መላው ሰራተኛ በፖለቲካ ዲፕሎማሲ፣ ኢኮኖሚ ዲፕሎማሲ፣ ሃብት ማፍራት፣ ወጪ ቅነሳ እንዲሁም ዲያስፖራ ጉዳዮችና ማህበራዊ ሚዲያ አጠቃቀም ዙሪያ በቡድን መንፈስ በመንቀሳቀስ የሚቆጠርና ውጤት ማስመዝገብ ላይ ትኩረት በማድረግ መሰራት እንደሚገባው አንስተዋል።

በኢትዮጵያ መንግስት እየተከናወኑ ያሉ ትልልቅ የልማት እንቅስቃሴዎችን በተገኘው አጋጣሚ ለአሜሪካ መንግስትና ባላብቶች እንዲሁም ለዲያስፖራው ማህበረሰብ በማስተዋወቅ የአገራችንን ገጽታ መገንባትና ኢንቨስተሮች ወደ አገራችን ገብተው ኢንቨስት እንዲያደርጉ በማስቻል ረገድ ትልቅ ስራ የሚጠይቅ መሆኑን ሚኒስትር ዴኤታው አሳስበዋል።

በመጨረሻም ከሚሲዮኑ ሰራተኞች ለተነሱ ጥያቄዎችና አስተያየቶች ሰፋ ያለ ምላሽ እና ማብራሪያ ሰጥተዋል።

በአሜሪካ የኢ.ፌ.ዲ.ሪ. ልዩ መልዕክተኛና ባለሙሉ ስልጣን አምባሳደር ብናልፍ አንዱአለም በአሜሪካ በተለያዩ ስቴቶች ከሚኖሩ የዳያስፖራ አደረጃጀት፣ ተጽዕኖ ፈጣሪ ግለሰቦችና በውሃ ዙሪያ የሚሰሩ ተቋማት አደረጃጀቶች አመራርና አባላት ጋር በታላቁ የኢትዮጵያ ህዳሴ ግድብ ዙሪያ ውይይት አካሂደዋል፡፡

ክቡር አምባሳደር ብናልፍ አንዱአለም ባደረጉት የመክፈቻ ንግግር የህዳሴ ግድብ በተለያየ ፈተና ውስጥ አልፎ ዛሬ እዚህ በመድረሱ እንኳን ደስ ያላችሁ መልዕክት በማስተላለፍ ይህ ፕሮጀክት የኢትየጵያን የመበልጸግ ፍላጎት እውን ከሚያደርጉ የልማት ፕሮጀክቶች አንዱ በመሆኑ የቀረውን ሁለት በመቶ ለማጠናቀቅ እንደዚህ ቀደሙ አሻራችንን ለማስቀመጥ ርብርብ ማድረግ እንደሚያስፈልግ ገልጸዋል፡፡

አክለውም አገራችን እንድትበለጽግና ብሔራዊ ጥቅሟ እንዲረጋገጥ እጅ ለእጅ ተያይዘን መስራት እንደሚያስፈልግ ለዲያስፖራው ማህበረሰብ ጥሪ አስተላልፈዋል፡፡

የታላቁ የኢትዮጵያ ህዳሴ ግድብ ግንባታ ፕሮጀክት ዋና ስራ አስኪያጅ የሆኑት ኢንጅነር ክፍሌ ሆሮ ግድቡ አሁን የደረሰበትን 98 በመቶ ለመድረስ ያለፈውን በጎ አጋጣሚና ተግዳሮቶች ላይ ሰፋ ያለ ገለፃ አድርገዋል፡፡

ገለጻውን መነሻ በማድረግ ከዳያስፖራው ለተሰጡ አስተያየቶችና ጥያቄዎች ምላሽ የተሰጠ ሲሆን ዳያስፖራው ግድቡ እስኪጠናቀቅ ድረስ አስፈላጊውን ድጋፍ እንደሚያደርጉ ቃል ገብተዋል፡፡

ለግድቡ ማጠናቀቂያ የመጨረሻ ዙር ገንዘብ ማሰባሰብ ከተጀመረ ጀምሮ 28,338 የአሜሪካ ዶላር እንዲሁም ቅዳሜ ሜይ 10/2025 በተካሄደው ገቢ ማሰባሰቢያ መድረክ 4760 ዶላር በድምሩ 33,098 ገቢ የተደረገ ሲሆን 21,810 ዶላር በእለቱ ቃል ተገብቷል፡፡

እ.ኤ.አ. ሜይ 3 ቀን 2025 የጋምቤላ ክልል ርዕሰ መስተዳድር ወ/ሮ አለሚቱ ኡመድ በአሜሪካ ሜኔሶታ ግዛት ነዋሪ ከሆኑ የክልሉ ተወላጅ ኢትዮጵያውያን እና ትውልድ ኢትዮጵያውያን ጋር በክልሉ እየተካሄደ ባለው የልማት ስራዎች እና ወቅታዊ ጉዳዮች ዙሪያ ውይይት አደረጉ።

ርዕሰ መስተዳድሯ በክልሉ ስላለው ወቅታዊ ሁኔታ እና እየተካሄደ ስላለው የልማት እንቅስቃሴ እንዲሁም ከዳያስፖራው ምን እንደሚጠበቅ ንግግር ያደረጉ ሲሆን በክልሉ ያለው የሰላም ሁኔታ በእጅጉ የተሻለ መሆኑን ገልጸዋል። ይህ የተሻለ ሁኔታም የክልሉን ልማት ለማፋጠን እና ኢንቨስትመንትን ለማሳደግ መሰረት እንደሆነ ተናግረዋል። ከዚህ አንጻር ዳያስፖራው በክልሉ እየተካሄደ ያለውን ልማት መደገፍ እንደሚገባው እና በኢንቨስትመንትም መሳተፍ እንዳለበት ተናግረዋል።

በአሜሪካ የኢትዮጵያ ልዩ መልዕክተኛ እና ባለሙሉ ሥልጣን አምባሳደር ብናልፍ አንዱአለም በተወካያቸው አቶ ተራመድ አዳነ አማካኝነት መልዕክት ያስተላለፉ ሲሆን ኢትዮጵያውያን እና ትውልድ ኢትዮጵያውያን ስለክልላቸው ብሎም ስለሀገራቸው ትክክለኛ መረጃዎችን በማግኘት እየተካሄደ ባለው የልማት እንቅስቃሴ ላይ የራሳቸውን አሻራ ለማሳረፍ እንዲህ አይነት መድረክ ከፍተኛ አስተዋጽኦ ያለው መሆኑን ጠቅሰው ታላቁ የኢትዮጵያ ህዳሴ ግንባታ ከ98 በመቶ በላይ መጠናቀቁን፤ በዚህም ሂደት በአሜሪካ የሚኖሩ ኢትዮጵያውያን እና ትውልድ ኢትዮጵያውያን ያደረጉት ተሳትፎ ትልቅ ግምት የሚሰጠው ነው ካሉ በኋላ በዚህ ረገድ የጋምቤላ ኮሚኒቲ አደረጃጀት ተሳትፎ ከፍተኛ እንደነበረ በመጥቀስ በቀጣይ ግድቡ ተጠናቆ ሪቫን እስክንቆርጥ ድረስ የሚቻላቸውን ሁሉ እንዲያደርጉ ጥሪ አቅርበዋል።

በውይይቱ ከተሳታፊዎች ለተነሱ ጥያቄዎች የክልሉ ርዕሰ መስተዳድር በቂ ምላሽ እና ማብራሪያ የሰጡ ሲሆን ዳያስፖራው በክልሉ ለተጀመሩ የልማት ስራዎች ድጋፉን አጠናክሮ እንዲቀጥል አሳስበዋል።